*हुंमाळो - एक विद्रोही उद्रेक*
वाते मुंगा मोलारी* My Swan Song * हुंमाळो - एक विद्रोही उद्रेक * *गोर शब्द सैनिकेर हुंमाळो इ नक्कीज निर्णायक ठरेवाळो*..! "गोरमाटी इ दुसरेर इतिहासेपं पोसायेवाळ जमात छेनी उ एक इतिहास घडायेवाळ विद्रोही जमात छ.दुसरेर इतिहासेपं पोसायेवाळ ये कनाईज क्रांती कर सकेनी,ओ फगत प्रतिक्रांतीमं तरबेज रचं.गोर इतिहासेपं जगेवाळ लोक गोर संस्कृतीनं दमाळ लगान कोलीया कर नाके;बळन कोलीया वेगे जे कोलीयाम भी आंगार रचं ईज ओ भुलगे.उज गोर धाटीरो बळोबळाइ कोलीया आज लोकसाहित्येर प्रेरणा लेन नवो इतिहास घडायेर हुंमाळेर तयारीमं छ. गोरगणेरो इ विद्रोहेर हुंमाळो (उद्रेक ) आज गोरगणेर नवे पिढीर साहित्ये माईती बुलंद वेरो छ.इ सवारेर क्रांतीर नांदी छ.इ हुंमाळो महाराष्ट्र राज्ये पुरता मर्यादित न रेता राष्ट्रीय पातळीपं बुलंद वेणू इ काळेर गरज छ.'हुंमाळो' इ अन्याव,अत्याचार अन अरेरावीर विरोधे माइरो गोर लोकसाहित्येरो केंद्रवर्ति सुत्र छ.गोर लोकसाहित्येर इ एक सहज प्रवृती छ.इ हुंमाळो आज साहित्येरे मूख्य प्रवाहेम आणू अन आपण लाणू ई आपणो साहि...