Bhimnipura Mohan Naik's Linguistics

*अद्भुत*-- *भाषाशास्त्रेमं नऊ रसेर नऊ स्थायीभाव आढळ आवचं;पणन गोरबोली भाषा येनं अपवाद छ.गोरबोली भाषा व्यवहारेमं "राम" इ नऊ स्थायीभावेरो नायक करन हुड्यांगं आतू दकावचं."रामेन लक लाग्गी!" इ गोरबोली भाषा व्यवहारे माईरो 'तळतळाट'एक स्वतंत्र संशोधनेरो विषय छ.गोर करो गोरबोली भाषा रो एक नवो आयाम भाषाशास्त्रेम वजाळेम आये...!*              *भीमणीपुत्र*         *मोहन गणुजी नायक*

​                  ” वाते मुंगा मोलारी”                                 ” निऋती”-पृथवी देवता (चोको )      पृथ्वी सारु ऋग्वेदेमं जे सुक्त केमेले छ; ओ से गोर आरदासेर इन्तीपं बेते हुये छ. ” पृथ्वी अन्नधान्याने सथमृध्द होवो..!” ई वेदे माइर आर्येर इ इन्ती इ ” सेरेर सव्वा सेर कर याडी..!” ये गोर आरदासेर इन्ती माइती वटाइ हुयी छ. इ सुदोसट आर्येर उचलेगिरी छ. काहा कतो आर्य कनाइज पृथ्वी पूजक कोनी रं.        ‘ निऋती राक्षसेर लक्ष्मी तूज छी.?” हानू स्पष्ट कबूली आर्य लोक देमेले छ. ( निरज साळुंखे) निऋती ई गोर गणेर सप्तमातृका पैकी एक कृषी देवता रं; आज बी छ.! पेना येर पूजा तांडेर भाआरं ‘ चौरस्तापं’ करतेते हानू स्मृतिकार कचं. करन येनं ‘ चोको’ केयेम आवचं. चोको चिन्हे माइरो बेरीजेरो + इ चिन्ह संगळती( समृध्दी) रो प्रतिक छ. पृथ्वीनं प्रसवधर्मीणी केमेले छ. + चिन्ह इ ओरो पूरावो छ. प्रसवधर्मीणी= माया संगळती..!!. भोजीयार ‘ वाजणा’ अन ‘...