वाते मुंगा मोलारी ( My swan song) गोरबोली भाषारो सामाजिक भाषाशास्त्र / समाज भाषाविज्ञान (Sociolinguistics) भीमणीपुत्र मोहन नाईक
वाते मुंगा मोलारी My swan song गोरबोली भाषारो सामाजिक भाषाशास्त्र / समाज भाषाविज्ञान (Sociolinguistics) गोरबोली भाषार अभ्यास करतूवणा गोरबोली भाषारो सामाजिक संदर्भ कतो गोरबोली भाषा व्यवहार कतोज समाज भाषाविज्ञान...! भाषावार प्रांत रचनारे धोरणेती आज गोरबोली भाषारो सामाजिक संदर्भ/ समाज भाषाविज्ञान धोकेम आवगो छ.लेखन प्रपंचेमं समाजभाषा विज्ञानेर डिलेर मोडतोड वेरी छ.भाषा व्यवहार धोकेम आवगो छ.भाषा व्यवस्था पेक्षा भाषा व्यवहारेरोज अभ्यास भाषावैज्ञानिक करणू हानू भाषातज्ञेर आग्रही भूमिका छ. दुद,धयी,तणका,घडीखांड,कटाळो,संवसार,संकर,बेग,रांयी ई गोरबोली भाषा व्यवहार कतो समाज भाषा विज्ञानेर उत्कृष्ट नमुना छ.लेखन प्रपंचेमं आज ये समाज भाषाविज्ञानेपं आघात वेतू दखारो छ.जसो दुध,आ...