वाते मुंगा मोलारी ( My swan song ) गोर बोलीभाषारो सामाजिक भाषाशास्त्र/समाज भाषाविज्ञान (sociolinguistics) भीमणीपूत्र मोहन गणुजी नाईक
वाते मुंगा मोलारी My swan song गोर बोलीभाषारो सामाजिक भाषाशास्त्र/समाज भाषाविज्ञान (sociolinguistics) गोरबोली बोलीभाषा व्यवहार इज खरो सामाजिक भाषाशास्त्र/समाज भाषाविज्ञान छ.आज मराठी वगैरे अन्य भाषार प्रभावेती गोर बोलीभाषा व्यवहार कतो समाज भाषाविज्ञान धोकेमं आवगो छ.येनं मार लकणी सदा अपवाद छेनी.मार लकणीम भी "संस्कृती,भाषा,लेखन प्रपंच,शब्द"आसे वणान शब्द आवूं करचं.अभिव्यक्ती सामर्थ्य धोकेमं न आणू येरवासं तत्सम,तद्भव,परभाषीय अन देशी ये शब्दसिद्धीर वापर वेतो रचं.येनं मराठी भाषा भी अपवाद छेनी.जना आपण समाज भाषाविज्ञानेर अभ्यास कराचा जना मातरम गोर बोलीभाषा व्यवहार नंजरे हुड्यांग (आतं मुंड्यागं इ शब्द बेसेनी ) लेणू आवश्यक रचं.मौखिक भाषा व्यवहार इज खरो भाषाशास्त्रेर अभ्यासेर खुराक रचं.येर सवायी गोर बोलीभाषारो ऐतिहासिक भाषाशास्त्र हूबो करतूज आयेनी,येरवा...