"तू" कतेसी रेगो...©®कवी, निरंजन ब मुडे. चिल्ली (ई) पो. निगंणूर. ता. महागाव जि. यवतमाळ.
"तू" कतेसी रेगो...
( कविता )
साळसूकान कोबलभूकान
भात कोला खागो...
आट दस बकरार,
समनक बी वेगो...
*दीचारेक देवेर,*
*मीटो भंडारो खागो...!*
*आबं तरी पड भडा*
*तू" कतेसी रेगो....!!*
दी दन पडन
करगो सूवाडो...
पनाव फूटरो कोनी
रोयेलागो नवाडो...
झारो झटको पडो जको
खाळ्या-रुंगळी चाटगी...
पाझरच फूटी कोनी,
वावडी-बोर आटगी....
*कास्तकारेतीज रीसारोछी*
*वोंदूरो कायी गूनो वेगो...!*
*आबं तरी पड भडा,*
*तू" कतेसी रेगो...!!*
पयले पामणीन
आयलाग छोरी पोरी...
खाळ्या-रुंगळी,
नदीन भेटेसारु रोरी...
दूरतीज देकन,
सावकार दबारो गाडी...
पामणी छोरीन,
कतेती दरावू साडी...
कपडा फाटच जू,
जमी फाटे लाग...
आभाळेसामू देकन
छाती दाटे लाग....
*डीलेमायीर लोयी से,*
*पाणी वेये लागो...!*
*आबं तरी पड भडा,*
*तू" कतेसी रेगो...!!*
©®कवी, निरंजन ब मुडे.
चिल्ली (ई) पो. निगंणूर.
ता. महागाव जि. यवतमाळ.
ह.मु.
नेरूळ, नवी मुबंई.
९०८२१९९८६७
Comments
Post a Comment