*एक हारदं*- भीमणीपुत्र
*एक हारदं*-
आज मनं मा.सुधाकरराव नायक सायेब हारदागो भा..एकवणार वात छ. नायक सायेब वसंतदादार मंत्री मंडळेमं बाल संगोपन अन पशु संवर्धन दुग्ध व्यवसाय मंत्री रं. जना मांडवीनं नायक सायेबेरो सत्कार रकाडेते. मार गामेमं नवीनज दुध डेअरी चालू करमेलेते. ओ डेअरीरो अध्यक्ष करन मनं भी निमंत्रण पत्रिका रं.सत्कार समारंभेमं उतर देतूवणा नायक सायेब को क,दादांनी मला पोरं आणि ढोर राखायचं काम दिले! ते काम मी ईमान इतबारे करीन! हानू केतू केतू या ठिकाणी दुध डेअरीचे किती अध्यक्ष उपस्थित आहे? हानू प्रश्न उपस्थित करते खमत म एकलोज हुबरेन हात उपर किदो. जसी नायक सायेब मनं गोरबोली भाषामं पूचो क,कतरा दुध तमार डेअरीमं जमा वचं? जसी म को क,५० लिटर!
जसी से लोक खदखद हासेन लग्गे.कार्यक्रम वेते खमत मनं भेट कलागो. कार्यक्रम वेगो. म नायक सायेबेन भेटेन गो.लोकूर अर्ज ओर पि ए.न करन केताणी मनं भरपूर वेळ दिनो.मी आपली काय मदत करू शकतो ? मार सोबत प.स.सभापती मारोतराव चव्हाण अन मारो मोटो बाप गोमाजी नायक रं.मनं तार तक्रार गोरबोली भाषामं कर करन केयेन लग्गे. मनं घणो आणद हुवो. मको भैया!तम हामार डेअरीनं बॅन्के मार्फत कर्जे पूरवठा करेर व्यवस्था करो! ठिक छ.! करन केनं नायक सायेब जायेर तयारी करेन लग्गे.जातू जातू ई "तम" शब्द कतेती लियायो कलागो. का कतो जनं हाम नायक सायेबेनं अन उत्तमराव राठोड सायेबेनं बोलतूवणा "तू"इ सर्वनाम वापरतेते.
हाम घर डिगरीयाये दुसरे दन परभाती रामपोरेमं बॅन्क मॅनेजर अन डेअरीती संबंधित खातेर लोक दि जीब भरन मार घर आवगे.दारिद्र्य रेषा हेटेर मेंबर हामार डेअरीर शेअर्स होल्डर रं. सेनं जागेपं भेसी खरेदीसारू जागेपं प्रत्येकी ३००० रपीयार लोण मंजूर वेगो.चिंचखेड,रामपूरभामपूर,पाथरी,अन टेंबी गामेर डेअरीर सभासदेन भेसी दराये.से गामेनं भेसीर संख्या बडगी.डेअरीम रोजेर १००० लिटर दुध आये लागो.गामेमं नायक सायेबेर मेरबानीती दुध व्यवसायेनं चालना मळगी.डेअरीर दारिद्र्य रेषा हेटेर सभासदेन एक उद्योग मळगो...आसे वेते मा.सुधाकरराव नायक सायेब! करारी बाणार मंत्री आबं नंजरे आड वेगे! मा.सुधाकरराव नायक सायेबेर पानन स्मृतीनं नवण..🙏🏾🙏🏾भीमणीपुत्र
आज मनं मा.सुधाकरराव नायक सायेब हारदागो भा..एकवणार वात छ. नायक सायेब वसंतदादार मंत्री मंडळेमं बाल संगोपन अन पशु संवर्धन दुग्ध व्यवसाय मंत्री रं. जना मांडवीनं नायक सायेबेरो सत्कार रकाडेते. मार गामेमं नवीनज दुध डेअरी चालू करमेलेते. ओ डेअरीरो अध्यक्ष करन मनं भी निमंत्रण पत्रिका रं.सत्कार समारंभेमं उतर देतूवणा नायक सायेब को क,दादांनी मला पोरं आणि ढोर राखायचं काम दिले! ते काम मी ईमान इतबारे करीन! हानू केतू केतू या ठिकाणी दुध डेअरीचे किती अध्यक्ष उपस्थित आहे? हानू प्रश्न उपस्थित करते खमत म एकलोज हुबरेन हात उपर किदो. जसी नायक सायेब मनं गोरबोली भाषामं पूचो क,कतरा दुध तमार डेअरीमं जमा वचं? जसी म को क,५० लिटर!
जसी से लोक खदखद हासेन लग्गे.कार्यक्रम वेते खमत मनं भेट कलागो. कार्यक्रम वेगो. म नायक सायेबेन भेटेन गो.लोकूर अर्ज ओर पि ए.न करन केताणी मनं भरपूर वेळ दिनो.मी आपली काय मदत करू शकतो ? मार सोबत प.स.सभापती मारोतराव चव्हाण अन मारो मोटो बाप गोमाजी नायक रं.मनं तार तक्रार गोरबोली भाषामं कर करन केयेन लग्गे. मनं घणो आणद हुवो. मको भैया!तम हामार डेअरीनं बॅन्के मार्फत कर्जे पूरवठा करेर व्यवस्था करो! ठिक छ.! करन केनं नायक सायेब जायेर तयारी करेन लग्गे.जातू जातू ई "तम" शब्द कतेती लियायो कलागो. का कतो जनं हाम नायक सायेबेनं अन उत्तमराव राठोड सायेबेनं बोलतूवणा "तू"इ सर्वनाम वापरतेते.
हाम घर डिगरीयाये दुसरे दन परभाती रामपोरेमं बॅन्क मॅनेजर अन डेअरीती संबंधित खातेर लोक दि जीब भरन मार घर आवगे.दारिद्र्य रेषा हेटेर मेंबर हामार डेअरीर शेअर्स होल्डर रं. सेनं जागेपं भेसी खरेदीसारू जागेपं प्रत्येकी ३००० रपीयार लोण मंजूर वेगो.चिंचखेड,रामपूरभामपूर,पाथरी,अन टेंबी गामेर डेअरीर सभासदेन भेसी दराये.से गामेनं भेसीर संख्या बडगी.डेअरीम रोजेर १००० लिटर दुध आये लागो.गामेमं नायक सायेबेर मेरबानीती दुध व्यवसायेनं चालना मळगी.डेअरीर दारिद्र्य रेषा हेटेर सभासदेन एक उद्योग मळगो...आसे वेते मा.सुधाकरराव नायक सायेब! करारी बाणार मंत्री आबं नंजरे आड वेगे! मा.सुधाकरराव नायक सायेबेर पानन स्मृतीनं नवण..🙏🏾🙏🏾भीमणीपुत्र
Comments
Post a Comment